比利時BBG之旅。B for Brussels 布魯塞爾

昨天一場大雪......今日一起身check天氣----負13度
天呀~~我係咪去錯左北歐???!!
一定要記低我的裝束...太誇張....留番第日黎笑..haha

上半身- heattech+薄cashmere+wool+抓毛外套+羽絨外套
下半身- heattech wool tights+ 抓毛leggings+ jeans+ socks+ 2個鞋墊+毛毛boot
+冷帽手套....
hahaha....不過著成咁都重覺得好凍.....d腳趾好似唔係我既.....

Brussels的景點都幾集中....基本上行路就可以去哂大部份景點
因為天氣太凍嗎???星期六條街都冷清清
呢度大廈外牆好多都畫左公仔...好有特色..

呢位櫥窗阿叔想點呢???

第一站-----尿尿小童 (Manneken Pis)

根據wikipedia, 尿尿小童像已經有400年歷史, 係Brussels的地標
係為左紀念有個小朋友半夜起床見到軍隊炸藥的藥引, 靈機一動灑尿黎淋熄個戰火
平時佢重有衫著..好厲害...有成百幾件, 全部收喺博物館做展覽

不過今日又係因為太凍...怕佢d"尿"會結冰所以無開水...
後來聽聞"尿尿小童凍到無得痾"這件事, 台灣新聞都有播..hahahhaa

尿尿小童簡直係icon....四周的店舖都有at least一個

第二站---布魯塞爾大廣場 (Grand Place)

又係世界文化遺產...好似話因為之前好好彩地無比戰爭摧毀過所以建築物都保留得好好
廣場附近有好多餐廳, 紀念品店, museum同朱古力店可以逛好耐

市政廳

Godiva的老店(第一間)都係喺度...緊係要入去朝聖
呢度買朱古力都平過香港好多呀~~~不過同英國差唔多

我地行呢度真係行左好好好好耐......因為實在係太凍~~而我朋友又著唔夠衫....
所以我地要不停入d舖頭嘆暖氣....
進度勁慢兼凍到無心機行
後來重索性走入個教堂入面取暖兼坐...好好笑
最後去食個lunch就提早少少番酒店pack野離開比利時lu...